Pisiffik Nuummiittoq neqaarniamik pikkorissumik pissarsiorpoq, suliffigineqartussaq Nuuk Centerimi neqaarniarfik.
Suliffeqarfik ulapaarfiullunilu ulluinnarni suliat assigiinngiiaartut pissanganartut neqeroorutigineqarput.
Sulisutut peqataassaatit neqilerinermi suleqatigiit akornanni pingaarutilittut, nunatsinni niuertarfissuarnut anginersaannut kiisalu Nuummi niuertarfinnut tallimanut allanut neqinik tunisassiornermi.
Suleqatigiit 15-it missaanniittut ilagissavatit, neqaarniallu aqutsisua peqatigalugu ulluinnarni ingerlatsinermut peqataallutit.
Suliassatit ilaatigut makkuussapput:
- Neqinik nutaanik agguineq
- Tunisassianik piareersakkanik (convenience) suliaqarnermut peqataaneq
- Niuertarfimmi saqqummersitsineq pitsaasumik tunisaqarnerup anguniarlugu
- Ulluinnarni suliassanik assigiinngitsunik naammassinninneq
- Nakkutilliineq nammineq aammalu pitsaassutsimik qulakkeerinninneq
- Neqinik tunisassianillu Nuummi Pisiffiup niuertarfiinut tunisassanik qulakkeerinninneq
Ilinnut naatsorsuutigaarput:
- Suliamut piginnaaneqarluarlutillu pitsaassutsimik pingaartitsisoq
- Suliamut tulluusimaarinnittoq
- Namminersorluni sulisinnaasoq aammalu suleqatigiinnermut peqataalluarsinnaasoq
- Ammasoq assigiinngissutsinillu ataqqinnittoq
- Ulapaarfiusuni sulisinnaasoq pimoorussillunilu
- Isumalluartoq
Neqeroorutigaarput:
- Suliffik pissanganartoq ineriartornissamut periarfissalik
- Ulluinnarni sulinikkut nammineq sunniuteqarnissamut periarfissaq
- Niuertarfiup siunissami ineriartorneranut sunniuteqarnissamut periarfissaq
- Akissarsiat piginnaasat naapertorlugit aammalu sulisoqarnermut pitsaasunik atugassaqartitsineq
Atorfik inuttassarsiorneqarpoq: Piaartumik imaluunniit isumaqatigiissuteqarnikkut.
Atorfik pillugu annertunerusumik paasisaqarusukkuit, tuniniaanermut pisortaq attavigisinnaavat Kasper Lind Halkjær mobil +299 58 91 61
Qinnuteqartunik ingerlaavartumik oqaloqateqartassaagut.
Qinnuteqarfissaq kingulleq 15.maj 2026
Qinnuteqaativit tigunissaanut qilanaarpugut
Pisiffik A/S-i pillugu:
Pisiffik A/S-i tassaavoq 56-inik pisiniarfittalik/immikkoortortalik 800-llu sulisulik. Sulisunut suliffik pitsaanerpaajunissarput sulissutigiuarparput. Ataasiakkaanik nioqquteqartartuni Kalaallit Nunaanni annerpaat ilaat. Tunisassianik pitsaasunik assigiinngitsorpassuarnik neqerooruteqartarnikkut pitsassuarmillu pisisartunik sullisseriaaseqarnikkut, pisisartutsinnut ataavartumik niuerfigineqartuarnissarput anguniagaraarput. Nutaaliornikkut, piujuartitsinikkut sumiiffimmilu inuiaqatigiinnut nukittuumik ataqateqarnikkut, pisiniarnermi misigisaq immikkut ittoq anguniagaralugu.
Qinnuteqarnissamut killissarititaasoq: maajip 15.-at, 2026