Nunatsinni Niuertarfeqarfiit annersaanni nutaaliortuinilu inuussutissaarniarfimmi pingaarutilimmik atorfittaarusuppit?
Pimoorussisumik aamma angusaqarusuttumik, pisiniarfitsinni inuussutissaarniarfiusuni Nuummiittuni souschef-imik tullersortissarsiorpugut, suleqatigiit pitsaasunut siuttoorusuttumik.
Tullersortitut niuertarfiit aqunneqarnerannut pingaarutilittut inissisimassaatit, illoqarfimmi tuniniaanermi pisortaq aamma pisiniarfiit aqutsisui suleqatigalugit. Niuernermik aamma sulisoqarnermi aqutsinermik suliaqarnissamut soqutigisaqarluartuussaatit, pisiniarfiit isumassarsiorfiullutillu ingerlalluartut, niuerniat pitsaasumik sullinneqartuarnissaat aammalu pisiniarfiit nioqqutissaqarluartut piumassuseqarlutit suliassaqarfigerusussallugit.
Pingaarnertut akisussaaffeqarfigissavatit:
- Pisiniarfiit inuussutissaarniarfiusut tuniniaanermut piareersimasuunissaasa isumassarsiorfiusinnaanissaasalu qulakkeernissaat – konceptigut tamaasa ukkataralugit (Pisiffik, AKIKI, SPAR, Sunset Boulevard, Mamaq Pizza, Fruft & Grønt, Iffiugaarniarfik, Neqaarfik, Mamarunartuerniarfik aamma Burger King)
- Sulisunik aqutsineq ineriartortitsinerlu
- Food-timi suliassaqarfiup aningaasaqarnerata akisussaaffiginissaa
- Pisiniarfimmi ingerlatsineq, periusissiorneq pilersaarusiornerlu
- Sumiiffimmi pilerisaarineq saqqumisuunissallu isumaginissaa
- Atorfinitsitsineq pisiniarfimmilu aqutsisut suleqatigalugit sulisunik ineriartortitsineq
- Pisisartut naammagisimaarinninnerisa qaffasittuunissaata qulakkeernissaa, suliassaqarfimmilu pissutsinut qanimut malinnaaneq
- Pisiniarfimmi pisortaq suleqatigalugu sulisussat pilersaarusiornissaat
Naatsorsuutigaarput:
- Pisiniarfimmik ingerlatsinermi aqutsinermilu food-timi misilittagaqartuusutit
- Sungiussiasuuvutit, aaqqissuussaasumik suleriuseqarlutit suleqatiginnilluarsinnaallutillu
- Eqeersimaartuusutit, ineriartortitsinermik eqqarsartuusutit sunillu tamanik isiginnissinnaaneq piginnaaneqarfigigit
- Maligsassaalluartuusutit taamaasillutillu sulisunik piumassuseqalersitsillu peqataalersitsisartutit
- Unneqqarissuusutit, akisussaassuseqartutit pitsaassutsimillu pingaartitsisuusutit
- Naleqquttumik ilinniagaqartuusutit imaluunniit food-timi misilittagaqarluartuusutit
Neqeroorutigaagut:
- Suliffeqarfimmi ineriartornissamut pingaartitsisumi aqutsisutut atorfik soqutiginartoq
- Suleqatitsialaat nukittuut sulisullu piumassusillit
- Ilinniartinneqarluarneq aqutsisutullu ineriartortinneqarneq
- Piginnaasat aallaavigalugit akissarsiassat pilerinartut
- Pensionimut aaqqiissutit, ukiumoortumik angalasinnaatitaaneq ineqartinneqarnissamullu periarfissaq
Pisiffiup anguniagaraa Kalaallit Nunatsinni pisiniarfittut suliffeqarfittullu pitsaanerpaanissaq. Anguniagaqarnitsinnut peqataarusuppit?
Qinnuteqaat
Atorfik pilerinarpa? Salgschef Ben Rasmussen tlf. +299 48 21 23-mut attaviginissaanut tikilluaqqusaavutit
Atorfinititsineq piaartumik isumaqatigiissuteqarnerluunniit malillugu.
Ullumikkut qinnuteqaatit nassiutikuttoorsinnaavat suleqatigiillu nukittuut suleqatigilerlugit, qinnuteqartunik ataavartumik oqaloqateqarneq ingerlattassavarput qinnuteqartup eqqortup toraarnissaata tungaanut.
Qinnuteqarusukkuit, qinnuteqaat naatsoq pingaarutilinnik paasissutissanik imalik, ilinniarsimanermik aammalu suliarisimasanik imalik nassiunneqassaaq kingusinnerpaamik 31.maj 2026
Qinnuteqaativit tigunissaa qilanaaraarput!
Pisiffik A/S-i pillugu:
Pisiffik A/S-i tassaavoq 56-inik pisiniarfittalik/immikkoortortalik 800-llu sulisulik. Sulisunut suliffik pitsaanerpaajunissarput sulissutigiuarparput. Ataasiakkaanik nioqquteqartartuni Kalaallit Nunaanni annerpaat ilaat. Tunisassianik pitsaasunik assigiinngitsorpassuarnik neqerooruteqartarnikkut pitsassuarmillu pisisartunik sullisseriaaseqarnikkut, pisisartutsinnut ataavartumik niuerfigineqartuarnissarput anguniagaraarput. Nutaaliornikkut, piujuartitsinikkut sumiiffimmilu inuiaqatigiinnut nukittuumik ataqateqarnikkut, pisiniarnermi misigisaq immikkut ittoq anguniagaralugu.
Qinnuteqarnissamut killissarititaasoq: maajip 31.-at, 2026