Aqutsinermut piginnaaneqarluarpit, niuertutut ingerlatsillaqqissuuit aammalu anguniagaqaqatigiinnissaq pillugu siunnerfiliinissamut inunnik katersuutsitsisinnaavit?
Pisiffik A/S Aasiannut tuniniaanermi pisortassarsiorpoq. Illoqarfimmi pisiniarfiutitsinni ingerlatsinermut, angusassanut aqutsinermullu ataatsimut akisussaaffeqassaatit Nuummi Foodimi pisortaq attaveqarfigalugu.
Niuernikkut ingerlatsilluarnissaq, atugarissaartitsinissaq ulluinnarnilu sulinermi ersarissumik aqutsinissaq qulakkiissavatit. Saqquminissat, siunnerfiliinissat siulersuinissallu atorfimmi pisariaqarpoq. Nalunngilarput suleqatigut pikkorinneruleraangata Pisiffik aamma pikkorinnerulertartoq. Taamaattumillu niuernermik inunnillu ineriartortitsinissaq atorfimmi qitiutinneqartut ilagivaat.
Atorfik
Pisiffik Supermarked, Torrak Fashion, Pisattat Pisiniarfissuarmiittoq, JYSK kiisalu SPAR aamma AKIKI qullersatut akisussaaffigissavatit.
Pisiniarfinni pisortat arfineq marluk, neqaarniat pisortaat quersuarmilu pisortaq ilinnut toqqaannartumik attaveqassapput sulisullu 70-it missaanniittut qullersatut akisussaaffigissavatit.
Suliassatit pingaarnerit tassaapput ingerlatsinermik patajaatsumik aammalu angusanik pitsaasunik qulakkeerinninnissaq, missingersuutinut tamakkiisumik akisussaaffeqassaatit tuniniaanermut akissarsianullu missingersuutit ilanngullugit, kisitsisinut pingaarnernut malitseqartitsillaqqissuuvutit niuertutullu ingerlatsinermik nukittorsaasinnaallutit aammalu niuertarfiit ingerlalluarnissaannik qulakkeerinnissinnaavutit pisiniarfinnilu pisortat aqutsisutut atuuffigisaanni tapersersorsinnaallugit.
Inuttut piginnaasat
Malinneqarnissannik pissusissamisoortumik pilersitsisarputit tapersersuisarnerullu aamma piumasaqaatit eqqortumik oqimaaqatigiissinnerisigut inuit ineriartortinneqarsinnaanerat paasisimasaqarfigilluarlugu.
- Siulersuisarputit, akisussaaffimmik tigusillutit aqqutissiuillutillu
- Erseqqissunik siunnerfiliisarputit angusanullu aamma iliuutsinut aalajangersumik malitseqartitsisarlutit
- Ersarissumik attaveqaqateqartarputit aalajangiisussanngornermilu akerliliinissamut tunuarsimaartuunak
- Niuertutut ingerlatsillaqqissuuvutit aammalu ingerlatsinerup, suleqatit angusallu ataqatigiinnerat ilisimallugu
- Aaqqissuussaanermik katersuutsitsisinnaavutit ataatsimullu ukkatarinninnissamik pimoorussamillu suliaqarnissamik pilersitsisinnaallutit
- Eqaatsumik suleriaaseqarputit ingerlatsinermullu qanittumi sulinissaq iluaralugu ulluinnarnilu sulinermi saqqumisuullutit.
Kalaallit Nunaanni imaluunniit Aasianni najugaqariinngikkuit najukkami inuiaqatigiinni amerlanngitsuni ilanngunnissamut inooqataanissamullu kajumissuseqarnissat pisinnaassuseqarnissallu pingaaruteqarpoq.
Suliatigut piginnaasat
Aqutsisutut atorfeqarnermit misilittagaqarputit – assersuutigalugu pisiniarfissuarmi pisortatut, nunap immikkoortuani pisortatut imaluunniit atorfimmit assingusumit, immikkoortortarlu anginerusoq immikkoortortaqarfiilluunniit arlallit akisussaaffigisimassallugit. Aaqqissuussaanermi angisuumi sulineq sungiusimavat ingerlatsinerullu, aqutsinerup angusassanillu pilersitsinissap katitigaanerat paasisimasaqarfigalugu.
- Minnerpaamik ukiuni pingasuni aqutsisutut misilittagaqarneq
- Niuernermik, detailimik assingusumilluunniit ilinniagaqarneq
- Detailimut suliaqarfiup misilittagaqarfiginera ingerlatsineq angusassallu akisussaaffigalugit
- Missingersuutinut akisussaaffeqarnermik ingerlatsinermilu aqutsinermik misilittagaqarneq
- Kisitsisinut kisitsisinullu pingaarnernut paasisimasaqarluarneq
- Food aamma nonfood ilisimasaqarfigigaanni iluaqutaassaaq
- Kalaallit kulturiat ilisimasaqarfigigaanni iluaqutaassaaq
- Danskisut, tuluttut kalaallisullu attaveqaqateqarsinnaaneq iluaqutaassaaq, piumasaqaataananili
Neqeroorutigaagut
- Aqutsisutut atorfik Foodimi pisortamut toqqaannartumik attaveqarluni
- Suliatigut inuttullu ineriartornissamut periarfissaqarneq
- Aaqqissuussaaneq suleqatigiinnermik sullissinermillu ukkataqarfiusoq
- Suliffeqarfik assigiinngitsunik kultureqarfiusumik avatangiiseqarluta suliffigisarput assigiinngissutsivullu nukittunerulersitsisutut isigalugit
- Piginnaasat malillugit akissarsiat, soraarnerussutisianut aaqqissuussineq, bonusinut aaqqissuussineq peqqissutsimullu sillimmaserneqarneq ilanngullugit
- Sulisunut inissiami najugaqarnissamut pisattallu nassiunnissaannut periarfissaqarpoq
- Sapinngisamik sukkanerpaamik isumaqatigiissuteqarnikkulluunniit atorfininneq
Pisiffik A/S pillugu
Pisiffik A/S Kalaallit Nunaanni atortussanik pisiniarfiutillit annersaraat 56-inik pisiniarfiuteqarluni 800-nik sulisoqartoq. Pisiniarfittut sullitatsinnit piumaneqarnerpaanissarput sulisutsinnullu suliffeqarfittut pitsaanerpaanissarput anguniagaraarput.
Soqutiginartippiuk?
Atorfik pillugu apeqqutissaqaruit Flies HR-imeersup Partner Dorthe Fliesip oqarasuaatikkut +299583117-imut imaluunniit e-mailikkut dorthe@flieshr.dk-mut attaveqarfiginissaanut tikilluaqqusaavutit
Flies HR sulisussarsiornermik isumaginnittuuvoq, taamaammat saaffiginnissutit tamaasa tassunga ingerlateqquneqarput. Qinnuteqartunik piukkunnartunik oqaloqatiginninnissamut ingerlaavartumik aggersaasassaagut.
Atorfik pillugu allanik apeqqutissaqaruit, Foodimi pisortaq Dennis Larsen denl@pisiffik.gl-imut attaveqarfiginissaanut tikilluaqqusaavutit.
Tusarfiginissat qilanaarivarput.
Pisiffik A/S
Pisiffik A/S pillugu paasissutissat amerlanerusut uani nassaarineqarsinnaapput: www.pisiffik.gl
