Akiliisarfimmi aamma konfektureqarfimmi aqutsisutut akisussaasoorusuppit? Pisiniartartut ullut tamaasa pitsaasumik sullinneqarnissaannut qulakkeerinneqataarusuppit?
Ujartugarput Serviceleder pimoorussisoq, ullormut ingerlatsineq, sulisunut pilersaarusiorneq aamma kiffartuussinerup pitsaalluinnartuunissaa anguniagariuassallugu akisussaassuseqartussaq. Pisiniat siullertut kingullertullu pisiniarfimmi naapitaannut akisussaaffeqartutut inissisimassaatit pisiniarfimmilu aqutsisumut pingaarutilittut suleqateqataassallutit.
Immikkoortortat kusanartuutinneri, tunisassallu piareersimallutik sassarsimatinneri aamma sulisunut avatangiisit toqqissisimanartut kajuminnartullu qulakkeernissaat akisussaaffigissavatit.
Akisussaaffiit
- Ullormut aqutsineq, ataqatigiissaarineq aammalu sulisunut kajumissaarineq.
- Akiliisarfinni kiffartuussilluarneq pisiniartullu misigisaat pitsaasoq qulakkeerlugu.
- Konfekturemi nioqqutissanik pilersaarusiorneq aammalu takussutissiorneq.
- Vagtplaninik aaqqissuussineq, sulisoqassutsimik nalilersuineq.
- Akiliisarfinni naatsorsukkanik eqqortumik nalunaarsuineq aammalu aningaasat ingerlanerisa nakkutigineri.
- Pisisartut saaffiginnissutaannik apeqqutaannillu suliaqarneq, nioqqutinik utertinneqartunik suliaqarneq.
- Nakkutilliinermi malittarisassat, eqqiluisaarnermi piumasaqaatit aammalu atorfeqarnermi avatangiisit malillugit ingerlatsineq.
- Politiit suleqatigalugu pisiniarfimmi pinerlunniartarnerit pillugit oqaloqateqarnerit.
- Ullut tamaasa Pisiniarfimmi aqutsisoq aamma immikkoortortaqarfinni aqutsisut allat suleqatigalugit sulineq.
Suliassat
- Suliassanik agguaassineq aammalu ullup ingerlanerani nalunaarusiortarneq.
- Pitsaassutsimik nakkutiginninneq ukunani: akiliisitsineq, sullinneqarnermi aamma utaqqinermi.
- Sulisunik nutaanik ilitsersuineq aammalu piginnaasanik ineriartortitsineq.
- Konfektureqarfimmi kampagnenik ilusilersuineq aammalu iluarsaassineq.
- Akiliisarfimmi torersuuneq, nioqqutissanik lager-imi uninngasuutinik aqutsineq.
- Akiliisarfinni karsini kisitsinerit nikingasoorutinillu malitseqartitsinermik suliaqarnerit.
- Immikkoortortaqarfiit assigiinngitsut akornanni suleqatigiinneq.
Sulinermi piginnaasat, takorloorparput:
- Niuernermi misilittagaqartoq – suliffimmi aqutsisutut misilittagaqaruit iluaqutaassaaq.
- Sullitanut sullissinermi pitsaasumik ilisimasalik ileqqoralugulu
- Kasse-systeminik aammalu ullut tamaasa naatsorsuusiornernik misilittagalik.
- Nioqqutissat ingerlaarneri (vareflow) aammalu kampagnenik ilusilersuinermi ilisimasaqarneq.
Inuttut piginnaasat pingaartipparput:
- Akisussaassuseqartoq, aaqqissuussaamik periusilik aammalu iliuuseqarnissamut piareersimasoq.
- Kajumissaarisoq, ersarissoq attaveqallaqqissorlu.
- Tamakkiisumik takunnissinnaassusilik aamma ulapaarfimmi.
- Siuttuusinnaasoq aamma allat peqatigalugit angusaqarluartartoq.
- Unneqqarissoq, tunniusimallunilu tutsuiginartoq.
- Isumassarsiullaqqissoq, nammineq ingerlatsisinnaasoq – aammali suleqatiginnilluarsinnaasoq.
Oqaatsit: Kalaallisut qallunaatullu pisinnaaneq – tuluttoorsinnaaneq iluaqutaassaaq piumasaqaataanngilarli.
Inuttut attaveqaatinut tunngasut
- Siuttuunermi tatiginartoq, ersarissoq aamma akuersaartoq.
- Oqaatsit kulturillu assigiinngisitaartunit tunuliaqutallit akornanni suleqatigiinnermik nuannarisaqarneq.
- Suliffimmi ileqqunik pitsaasunik tamanut takutitsisoq.
Suliassaq pingaaruteqartumut ingerlatseqataanissamut piareersimavit?
Taava qinnuteqaatit tikilluaqquaarput!
Paasisaqarnerorusukkuit paasiniaavigisinnaavat Pisiffik NC-mi Pisiniarfimmi aqutsisoq Lotta Mølgaard +299 34 24 30
Qinnuteqarfissaq kingulleq 19.januar 2026, link ataaniittoq atorlugu qinnuteqaat nassiunneqassaaq.
Pisiffik A/S-i pillugu:
Pisiffik A/S-i tassaavoq 55-inik pisiniarfittalik/immikkoortortalik 800-llu missaannut sulisulik ataasiakkaanik nioqquteqartartuni Kalaallit Nunaanni annerpaat ilaat. Tunisassianik pitsaasunik assigiinngitsorpassuarnik neqerooruteqartarnikkut pitsassuarmillu pisisartunik sullisseriaaseqarnikkut, pisisartutsinnut ataavartumik niuerfigineqartuarnissaaput anguniagaraarput. Nutaaliornikkut, piujuartitsinikkut sumiiffimmilu inuiaqatigiinnut nukittuumik ataqateqarnikkut, pisiniarnermi misigisaq immikkut ittoq anguniagaraarput.
Qinnuteqarnissamut killissarititaasoq: januaarip 19.-at, 2026