Assatit atorlugit suliaqarnermut piginnaaneqarpit, neqillu nutaarsunnitsut suliarinissaat ajorinngivippigit?
Taava ilinnut atorfik pigaarput! Pisiffik Qaqortoq neqaarniarfimmi svendimik pikkorillunilu pimoorussisumik inuttassarsiuivoq, sulianut tunngasunut suleqatigiinni nukittuuni ilaarusussusilik ujartorparput, suliffimmilu pitsaassuseq, suleqatigiinneq isumagissaarnerlu ingerlaqatigiipput.
Uagut ulapeqaagut – pitsaassumilli. Ullut suliffiusut tamarmik suliassanik pissanganartunik ulikkaarput, suliffitsinni illarpalaaq tusarsaasarpoq, nioqqurtissanik pilersuinerput tulluusimaarutigaarput. Neqaarniarfimmi suleqatigiinni pingaarutilittut inissisimassaatit, illloqarfitsinni nioqqutissanik nutaanik pitsaanerpaanik pitsaassusilinnik toqqagassaqarnissaannik isumaginnippugut.
Suliassatit
Neqaarniarfimmi svenditut inissisimaffik tamatigoorlunilu namminersorfiusoq pissarsiarissavat, illit – neqaarniarfimmi mester-i peqatigalugu – neqaarniarfimmi suut tamarmik pissusissamissut ingerlanissaannik qularnaareqataassaatit (katilluta arfineq-marlunngussaagut).
Ilaatigut makku isumagissavatit:
- Neqit aggorlugit piareersarneri
- Nioqqutit (iganissaannut piariikkat) conveniencit tunisassiarineri
- Pisiniarfimmi nioqqutigisassat kusanartumik saqqumineri isumagalugit
- Imminik nakkutiginninneq (egenkontrol), pitsaassutsinillu misissuisarneq
- Pisiffimmut, AKIKImut SPARimullu neqinik nioqqutinillu conveniencinik pilersuineq
Ima ittutit ujarpatsigit:
- Sulianut tunngasunut pikkorissoq, assammillu suliaqarsinnaassusinnik tulluusimaarutilik
- Pitsaasutsimik suleqatigiilluarnermillu pingaartitsisoq
- Namminersullaqqissoq, suleqatigiilluarnermilli iluarinnittoq
- Sungiussiasoq, ulapittoqartillugu iliuuseqarnissaminut piareeqqasoq
- Ataatsimuussusermut pitsaamut nuannersumullu ilalersuilluartoq.
Suut neqeroorutigaagut
Pisiffimmi sulinikkut ineriartorfissamik aamma ulluinnarni sunniuteqarfigisinnaasannik suliffeqalissaatit
Makku neqeroorutigaagut:
- Atorfik pissanganartoq, ineriartorfissaqarlunilu akisussaaffittalik
- Suleqatitsialaat, ataatsimoorfillu nukittooq
- Pisiniarfiup ineriartornernut sunniuteqarnissamut periarfissalik
- Piginnaasat malillugit aningaasarsiat, sulisunilu atugassarititat kajungernartut.
Atorfinitsitsineq
Sapinngisamik piaarnerpaamik – imaluunniit isumaqatigiissut malillugu.
Annermik paasisaqarusuppit?
Attavigiuk Søren Arnth Hansen, oqarasuaatikkut ugguuna: +299 64 70 09.
Ataani linki aqqutigalugu qinnuteqaatit CV-llu nassiutikkit – oqaloqatiginninnerit ingerlanneqartassapput, qinnuteqartunilu eqqortoq nassaarineqaannartoq atorfinitsitsissaagut. Qinnuteqaat kingusinnerpaamik ull. 30. december 2025-mi nassiuguk.
Tusarfiginissannut qilanaarpugut.
Pisiffik A/S-i pillugu:
Pisiffik A/S-i tassaavoq 54-inik pisiniarfittalik/immikkoortortalik 750-llu missaannut sulisulik ataasiakkaanik nioqquteqartartuni Kalaallit Nunaanni annerpaat ilaat. Tunisassianik pitsaasunik assigiinngitsorpassuarnik neqerooruteqartarnikkut pitsassuarmillu pisisartunik sullisseriaaseqarnikkut, pisisartutsinnut ataavartumik niuerfigineqartuarnissaaput anguniagaraarput. Nutaaliornikkut, piujuartitsinikkut sumiiffimmilu inuiaqatigiinnut nukittuumik ataqateqarnikkut, pisiniarnermi misigisaq immikkut ittoq anguniagaraarput.
Qinnuteqarnissamut killissarititaasoq: decembarip 30.-at, 2025