Pisiffik Nuuk quersuaani, nunatsinni quersuit pingaarnerit ilaanni, ataqatigiissaarineq Pisiffiullu pisiniarfiinut pilersuineq siuttuuffigerusuppiuk? Quersualerinermi misilittagaqarpit, aqutsinermik piginnaaneqarlutit aammalu immikkoortortaqarfik Nuummi pisiniarfitsinnut tamanut pilersuisuusumut aqutsisuunissaq soqutigalugu? Taava illit tassavutit โ Pisiffik Nuup quersuani aqutsisussaq ujartugarput.
Akisussaaffiit
Quersuarmi aqutsisutut inissisimaffik Pisiffik A/Simi inissisimaffiuvoq pingaarutilik. Quersuaq Pisiffiup ataani piniarfinnut neriniartarfinnut kiffartuussiviinullu isumaginnittuuvoq, akisussaaffigissavatit quersuarmi ingerlatsineq, sulisunik aamma aningaasanik aqutsineq.
Quersuaq pingaarnertut inissisimasumi logistik-ikkut suleqatigisat Aalborgimi inissisimasut qanimut ulluinnarni suleqatigineqartarput, tamannalu pitsaasumik aaqqissuussaalluakkamik, piareersakkamik ataqatigiissaarinermillu qaffasissunik suliassaavoq.
Suliassatit pingaarnerit tassaassapput:
- Suleqatitit aqutsisuuffigissavatit, sulerusussuseqartitsineq attaveqatigiinnikkut ersarissuunikkut suleqatigiit anguniakkamut ataatsimoorussamut anguniagaqartitsissaatit
- Quersuup ingerlanneqarnera aningaasaqarnikkut sinaakkutsit iluani ingerlalluarnissaa akisussaaffigissavat
- Nioqqutissat tiguneqarneranniit piffinnut tamanut tunniunneqarnerannut pitsaalluinnartumik suliap ingerlanneqartarnissaa qulakkeersimassavat
- Inniminnikkat, utertitsinernut tunngasut aamma malitseqartillugit suliaqarnerit pisisarfitsinnut pitsaassuseqartumik piviusorsiortumillu ingerlattassavatit
- Suliffimmi avatangiisini pitsaasuutitseqataassaatit sulisut pisinnaasamikkut ineriartorfissaannik pilersitseqataallutit
- Sulisunik sulilersitsineq, sulisunik ineriartortitsineq taamatullu suleqatigiiinnik nukittuunik pilersitseqataassallutillu ineriartortitseqataassaatit
- Quersuarmi sulinerup isumaa Pisiffiup pisiniarfiini pisisartut naammangisimaarinninnerannut toqqaannartumik isumaqarnera takusinnaagit tamannalu tunuliaqutaralugu sulisutit
Kinaavit
ยทAqutsisoq ujartugarput, angusaqarluarsinnaasoq aamma maligassiuisoq. Pisinnaasatigut nukittuujuneq aamma peqqissaartuuneq piorsarsimassutsimut inunnullu ataqqinnittuugavit allat malikkusutaat.
- Aaliangiusimasuullutillu angusaqarusuttuuvutit taammaattoq aamma suleqateqallaqqissuullutit.
- Killilersuinerit isiginiarneranniit ineriartorfissanik, piumassusermik aamma periarfissanik isiginneriaaseqarneruvutit
- Aaqqissuussaalluartumik suleriuseqarputit immikkoortualunnik takunnissinnaassuseqarlutit
- Tamatigoortuuvutit, sulilluartoq suliassanillu assigiinngitsunik piffinni assigiinngiiaartunut naleqqussarsinnaallutit
- Tatiginartuuvutit akisussaassuseqarlutit akisussaaffimmik tigusisinnaasoq
- Iliuutsikkut naleqartitatigullu maligassiuisoq
- Oqaatsisigut qallunaatut, tuluttullu pisinnaasaqartutit, kalaallisut pisinnaasat iluaqutaassapput piumasaqaataanngillalli.
- โUagut Pisiffimmi pingaartipparputโ tunngaviusunik ataatsimoorullugu naleqartitarput tunngavigalugu illit sulerusuttutit.
Pisiffik neqeroorutigai
Pisiffimmi atorfik pissanganartoq namminersorfiusorlu suliffeqarfik ineriartortumi. Suliffeqarfik sulisutigut piorsarsimassutsikkut assigiinngitsunik tunuliaqutalik, inuit assigiinngitsut suleqatigiissut, ataqqeqatigiissut ataqatigiinnerlu qitiutinneqartoq.
- Atorfik akisussaaffiup iluani kiffaanngissuseqarfiusoq, ulluinnaat nammineq ilusilersueqataaffigisinnaasat
- Akissarsiatigut unammillersinnaasumik inissisimasoqm misilittalkkat aallavigalugit akissarsiaqartitaaneq aamma ileqqaarinissamut isumaqatigiissuteqarneq
- Avataaneersuuguit inissaqartitsinissamut periarfissaqartitsisinnaavugut
Soqutiginnippit?
Atorfik pillugu apeqqutissaqaruit, attaveqarnissamut tikilluaqqusaavutit uunga: Partner Dorthe Flies Flies HR-imit mobil +299583117 imaluunniit mail dorthe@flieshr.dk
Atorfinititsineq Flies HR-mit ingerlanneqassaaq, taamaammallu attaviginninnerit tamarmik tassunga ingerlanneqassallutik. Qinnuteqartunik piukkunnartunik oqaloqateqarnerput ingerlaavartumik oqaloqatiginnittassaagut.
Annerusumik atorfiit pillugit paasisaqarusukkuit Salgschef Ben Rasmussen paasiniaavigisinnaavat tlf.: +299 48 21 23
Tusarfiginissat qilanaaraarput
Pisiffik A/S-i pillugu:
Pisiffik A/S-i tassaavoq 54-inik pisiniarfittalik/immikkoortortalik 750-llu missaannut sulisulik ataasiakkaanik nioqquteqartartuni Kalaallit Nunaanni annerpaat ilaat. Tunisassianik pitsaasunik assigiinngitsorpassuarnik neqerooruteqartarnikkut pitsassuarmillu pisisartunik sullisseriaaseqarnikkut, pisisartutsinnut ataavartumik niuerfigineqartuarnissaaput anguniagaraarput. Nutaaliornikkut, piujuartitsinikkut sumiiffimmilu inuiaqatigiinnut nukittuumik ataqateqarnikkut, pisiniarnermi misigisaq immikkut ittoq anguniagaraarput.
Qinnuteqarnissamut killissarititaasoq: decembarip 31.-at, 2025