Pisiffik Nuumi Centerip neqaarniarfianiittussamik neqaarniamik pissarsiorpoq. Ulapeqaagut ulluinnarpullu soqutiginarluni. Pikkorissorpassuarnik sulisoqarpugut annertuumillu ineriartorluta. Ineriartornermut tassunga peqataassaatit.
Nuuk Centerimi Pisiffimmi neqaarniatut Kalaallit Nunaanni niuertarfiit annerpaamut aammalu illoqarfimmi pisiniarfinnut allanut tallimanut neqinik nioqqutissiornermi suleqatigiinni pingaarutilimmik inissisimasuussaatit
Sunngiffinni pinngortitarsuarmiinnissamut periarfissaqarluarputit, taamatuttaaq illoqarfik kultureqarluartoq misigisassaavoq, caférnissamut aammalu pisiniarfiliarnissamut periarfissaqarluarluni.
Neqaarniarfimmi aqutsisuat suleqatigalugu neqaarniarfimmut, pølseliorfimmut, nerisassanut kissattariaqanngitsunut kissartunullu igaffimmut, katillugit 15-inik sulisulimmut akisussaaqataassaatit.
Ulluinnarni suliassatit ilaatigut makkuupput:
- Neqit suliareqqitaanngitsut aggornissaat
- Nerisassiassanik piareeriaannarnik/conveniencenik nioqqutissiorneq
- Immikkoortortaqarfimmut ilinnullu iluatsittussamik pilersitsinissaq, suliassat takkussuuttut suliarinerisigut
- Nakkutilliineq
- Neqit nerisassiassallu piareeriaannaat tunniunneqarnissaasa aammalu Nuummi nerisassaarniarfinnut tallimaasunut tuniniassallugit piareereerlugit pooreernissaasa qulakkeernissaat.
Naatsorsuutigaarput:
- Sulianut pikkorissuullutillu pitsaassusermik pingaartitsisuusutit
- Suliannut tunngatillugu tulluusimaartuullutillu suliavit pitsaasuunissaat pingaartikkit
- Namminersorsinnaassuseqarlutillu suleqateqallaqqissuusutit
- Suliffeqarfimmi assigiinngisitaarneq aammaffigalugulu akuersaartuusutit
- Siuttuusinnaassuseqartuullutillu ulapiffinni ilungersullaqqissuusutit
- Ajunngitsumik isumaliortaaseqartuusutit
Neqeroorutigisinaavagut:
- Suliffik soqutiginartoq suli pikkorissigaluttuinnarnissannut peqataarusuttoq
- Ulluinnaat ineriartornissallu sunneeqataaffigisinnaavat
- Pisiniarfiup siunissaanut sunneeqataaffiginnissinnaaneq
- Pigissaasat aallaavigalugit akissarsiat kiisalu sulisutit atugarisat pitsaasut
Ulloq atorfiniffissaq: Piaartumik, isumaqatigiissutaasorluunniit malillugu.
Inuussutissanik nioqqutissiornermi suliaqarluarfiusumut akisussaaffimmik tigusinissannut piareersimaavit?
Qinnuteqarneq Piukkunnarnerpaaq naammattoorutsigut atorfinitsissavarput, taamaammat ataani linki atorlugu sukkanerpaamik qinnuteqaasiorit.
Atorfik pillugu apeqqutissaqaruit Tuniniaanermut Pisortaq Dennis Larsen tlf. +299 59 79 52 imaluunniit email: denl@pisiffik.gl.
Tusarfiginissat qilanaaraarput.
Pisiffik A/S-i pillugu:
Pisiffik A/S-i tassaavoq 53-inik pisiniarfittalik/immikkoortortalik 800-llu missaannut sulisulik ataasiakkaanik nioqquteqartartuni Kalaallit Nunaanni annerpaat ilaat. Tunisassianik pitsaasunik assigiinngitsorpassuarnik neqerooruteqartarnikkut pitsassuarmillu pisisartunik sullisseriaaseqarnikkut, pisisartutsinnut ataavartumik niuerfigineqartuarnissaaput anguniagaraarput. Nutaaliornikkut, piujuartitsinikkut sumiiffimmilu inuiaqatigiinnut nukittuumik ataqateqarnikkut, pisiniarnermi misigisaq immikkut ittoq anguniagaraarput.
Qinnuteqarnissamut killissarititaasoq: maajip 31.-at, 2025