Tuniniaanermut kiffartuussilluarnermillu suliaqarusuttuullutillu suliat ataatsikkut ingerlatat amerlasuut suliarinissaat nuannaraagit? Taamaappat soqutiginartumik periarfissippatsigit!
ILVA-mi Designa & Garant-immikkoortortaqarfitsinni tuniniaanermi siunnersortissarsiorpugut pimoorussisumik, pisiniarfimmi allaffimmilu inissisimasumi tamatigoortumik suliaqartussamik. Suleqatigiinni pingaarutilimmik inissisimasuussaatit, ataatsimoorluta pisisartutta nuannersumik misigititsinissaannik pilersitsisassalluta – showroomimut tikilluaqqusinitsinnit tunniussinissamut tuniseernerullu kingorna malitseqartitsinermut.
Ulluinnatit ilaatigut imatut imaqartassapput:
Pisiniarfimmi:
- Pisisartut tikilluaqquneri showroomimilu angalaarullugit (igaffik, naqqit saagullu)
- Siunnersuinissamut ataatsimiisitsinissamut inniminniineq, pisisartullu mailikkut, oqarasuaatikkut, chat-ikkut, inoqatinullu attaveqaatitigut saaffiginnissutaasa malitseqartarnissaat
- Showroomip iseruminartuunissaata torersuunissaatalu isumaginissaa
- Nioqqutitit tigunissaat saqqummersitsivimmullu inissinnissaat
- Paasisitsiniaanermut, pisoqartitsinernut nioqqutillu saqqummiussinnaanissaanut peqataaneq
Allaffimmi:
- Assartuinissat ikkussuinissallu pisisartut, ikkussuisut assartuisartullu ataqatigiissarnissaat
- Ajoqutillit amigaatillillu malitseqartarnissaat – kiffartuussigasuarnissaq kiinnerluarnissarlu pingaartillugit
- Akiligassiissutiliorneq systeminilu nalunaarsuineq
- Nioqquissat nassiunneqartut nassiussalerisartunut tunniunneqarnerisa nakkutigineri
- Immikkoortortaqarfiup inoqatinut attaveqaatitigut saqquminissaanik isumaginneqataaneq
Naatsorsuutigaarput:
- Tuniniaanermik kiffartuussinermillu misilittagaqartuusutit – ataasiakkaanik nioqquteqarnermi, pequsersornermi imaluunniit igaffeqarnermiusimappat iluaqutaassaaq
- Ilisarititsillaqqissuusutit, pisisartunut qiimallutit, qanilaarlutit pimoorullugillu naapissinnaallugit
- Ulluinnatit aaqqissuussaasumik ingerlannissaat pikkoriffigigit suliallu annerit minnerullu akisussaaffeqarfigisinnaallugit
- IT-lerillaqqissuusutit systeminillu paasinnillaqqissuullutit
- Suleqatigiinneq iluarigit aammalu suleqatigiinneq qiimanissarlu naleqartittuugitit
Neqeroorutigaagut:
- Suliffik soqutiginartoq allanngorartorlu pisiniarfimmi pitsaassutsimik, ilusilersukkanik pisisartullu misigisaqartilluarnissaannik pingaartitsisoq
- Suliffik pitsaasumik ataqatigiissusilik suliaqarfinnillu tulluusimaarinnilluarfiusoq
- Nioqqutaatitsinnik, systeminik suleriutsinillu ilinniartinneqarluarneq
- Piginnaasat naapertorlugit akissarsiat sulisutullu iluaqutissaqarsinnaaneq
Suleqataanissamut piareersimavit?
Qinnuteqaatit CV-llu tuaviornerpaamik naqqani linki aqqutigalugu nassiutikkit. Oqaloqatiginnillattaassaagut piukkunnarnerpaarlu naammattoorutsigu atorfinitsitsissalluta.
Atorfik pillugu apeqqutissaqaruit Tuniniaanermut pisortaq Jan Køhler mail: jak@pisiffik.gl aqqutigalugu attavigisinnaavat.
Tusarfiginissat qilanaaraarput.
Pisiffik A/S-i pillugu:
Pisiffik A/S-i tassaavoq 53-inik pisiniarfittalik/immikkoortortalik 800-llu missaannut sulisulik ataasiakkaanik nioqquteqartartuni Kalaallit Nunaanni annerpaat ilaat. Tunisassianik pitsaasunik assigiinngitsorpassuarnik neqerooruteqartarnikkut pitsassuarmillu pisisartunik sullisseriaaseqarnikkut, pisisartutsinnut ataavartumik niuerfigineqartuarnissaaput anguniagaraarput. Nutaaliornikkut, piujuartitsinikkut sumiiffimmilu inuiaqatigiinnut nukittuumik ataqateqarnikkut, pisiniarnermi misigisaq immikkut ittoq anguniagaraarput.
Qinnuteqarnissamut killissarititaasoq: maajip 31.-at, 2025