Suliffimmik allamik aallartikkusuppit? Pisiffiup Nuummi niuertarfiisa annersaanni aqutsisutut – soorlu nerisassiorfimmik aqutsisutut?
Naatsorsuutigaarput assinganik inissisimaneq misilittagaqarfigigit, slagteritut ilinniagaqartuusutit, suliatillu tulluusimaarutigalugillu tiguarteqqaffigisaritit. Pisisartutsinnut pitsaanerpaamik tunniussinissat anguniartuarpat.
Immikkoortortaqarfimmi sulisut pikkorissut 14-t missaaniittut sulisuupput, Nuuk Centerimilu pisiniarfitsinni nutaaliaasup saniatigut neqit nerisassiassallu piareeriaannaat/convenience Nuummi pisiniarfinnut sisamaasunut aamma suliarisarpagut. Slagterimi immikkoortortaqarfitsinni pujooriveqarpugut, pølseliorfik kiisalu nerisassanik nillertunik kissartunillu suliaqartarluta.
Slagtermesteritut aqutsisoqatigiit akornanniissaatit, Nuummilu pisiniarfiup pisortaata ataani inissisimassallutit.
Slagtermersteritut akisussaaffitit pingaarnerpaat tassaassapput:
- Suleqatitit peqatigalugit slagterimi immikkoortortaqarfiup ineriartortinnissaa
- Tuniniaaneq suli pitsaanerulersinniarlugu pisiniarfiup nittarsaannerata pitsanngorsarnissaa
- Pisinairfimmi pisussanik pilersaarusiorneq ingerlatsinerlu
- Neqit suliareqqitaanngitsut aggornissaat
- Nerisassiassanik piareeriaannarnik/conveniencenik nioqqutissiorneq
- Pølsenik pujuukkanillu nioqqitissiorneq kiisalu pisiniarfimmi nioqqutinik nittarsaassineq
- Pisiortortut suleqatigalugit nioqqutissanik ineriartortitsineq
- Nakkutilliineq
- Neqit nerisassiassallu piareeriaannaat tunniunneqarnissaasa aammalu Nuummi nerisassaarniarfinnut tallimaasunut tuniniassallugit piareereerlugit pooreernissaasa qulakkeernissaat.
Atorfimmut uunga kissaatigaarput:
- Namminersorsinnaassuseqassasoq, aammali suleqateqarluarsinnaasoq
- Tamanik isiginnissinnaasoq, suliarpassuillu ataatsikkut suliarisinnaagai
- Angusassaminik toraagaqartoq ullullu tamaasa pitsaanissaminut tunniusimasoq
- Sungiussiasoq
- Tuniniaarusussuseqarluartoq
- Eqeersimaartoq pitsaassutsimillu pingaartitsisoq
- Unneqqarissoq, tatiginartorlu
- Ataqatigiissaarillaqqissoq torersumik pitsaassusermillu suleriusilik
- Suleqatit assigiinngisitaartuunerannut ammasuullunilu akuersaartoq
- Isummanut pissusilersornikkullu pitsaasumik maligassiuisoq
Neqeroorutigaagut:
- Suliffeqarfik asseqanngitsoq suleqatigiinnermik pingaartitsisoq
- Atorfik suliamut tunngatillugu inuttullu ineriartornissamut periarfissalik
- Sulisut suleqatillu pikkorissut
- Piginnaasat naapertorlugit akissarsiat pitsaasut
- Pisiffiup malittarisassai malillugit inissamik neqeroorfigineqarneq
- Kalaallit Nunaata iluani avataaniilluunniit atorfininnermi sulinngiffeqarnermilu angalanermi akiliunneqarneq
Ulloq atorfiniffissaq: Piaartumik, isumaqatigiissutaasorluunniit malillugu.
Inuussutissanik nioqqutissiornermi suliaqarluarfiusumut akisussaaffimmik tigusinissannut piareersimaavit?
Qinnuteqarneq Piukkunnarnerpaaq naammattoorutsigut atorfinitsissavarput, taamaammat ataani linki atorlugu sukkanerpaamik qinnuteqaasiorit.
Atorfik pillugu apeqqutissaqaruit Tuniniaanermut Pisortaq Dennis Larsen tlf. +299 59 79 52 imaluunniit email: denl@pisiffik.gl. aqqutigalugit attavigisinnaavat.
Tusarfiginissat qilanaaraarput!
Pisiffik A/S-i pillugu:
Pisiffik A/S-i tassaavoq 53-inik pisiniarfittalik/immikkoortortalik 800-llu missaannut sulisulik ataasiakkaanik nioqquteqartartuni Kalaallit Nunaanni annerpaat ilaat. Tunisassianik pitsaasunik assigiinngitsorpassuarnik neqerooruteqartarnikkut pitsassuarmillu pisisartunik sullisseriaaseqarnikkut, pisisartutsinnut ataavartumik niuerfigineqartuarnissaaput anguniagaraarput. Nutaaliornikkut, piujuartitsinikkut sumiiffimmilu inuiaqatigiinnut nukittuumik ataqateqarnikkut, pisiniarnermi misigisaq immikkut ittoq anguniagaraarput.
Qinnuteqarnissamut killissarititaasoq: maajip 31.-at, 2025