Nioqqutissiat pitsaasut tappiffigalugillu kisitsisinut trendinullu pikkoriffeqarpit? Niuernerup silarsuaani ingerlatsinermut pularusuppit Kalaallillu Nunaanni avatangiitsini uummaarissumi naqqaniit pisiortorneq ilinniarusuppiuk? Taamaappat imaassinnaavoq illiusutit Pisiffik A/S-imi Pisiortorfimmut immikkoortortaqarfimmi pisiortuarassarput.
Pisiffik Kalaallit Nunaanni niuertarfeqarfinni annersaavoq non-food-inik tuniniaasunik pisiniarfippassuaqarluni – taassuma iluani elektronikkeerniat, pequtaarniat, atisaarniat, atortussaarniat allarpassuillu. Pisiniarfiutitta pisiassaateqarnissaannik qulakkeerinneqataasinnaasumik kajumissuseqarlunilu alapernaatsumik pisiortuarassarsiorpugut.
Atorfik pillugu
Pisiortuarartut suleqatigiit pisiortortut pingaarutilimmik inissisimassaatit, nioqqutissianullu pisortat ulluinnarni pisiortornermi, ingerlatsinermi pilerisaarinermilu ikiortassallugit. Suliassatit siammasissuussapput, allaffissortassallutit aammalu pisiniarfiit qanimut attavigisassallugit.
Pisisartut nioqqutissanik naleqquttunik – amikimullu naleqquttunik, toqqagassaqarnissaannik suliassaqarfimmi qitiusumik inissisimassaatit. Atorfik Pisiffiup qullersaqarfiani Nuup qeqqaniittumi inissisimavoq.
Pingaarnertut suliassaraatit
- Pisiassanik suliaqarneq taakkulu malinnaaviginissaat
- Ingerlatsineq – nioqqutit pisiniarfinni pissarsiarineqarsinnaanerisa ersittumiinnissaasalu qulakkeernissaat
- Pilerisaareqataaneq paasititsiniaanissamullu pilersaarusiorneq
- Pisiniarfinnik supporteeriineq – pisiniarfimmi sulisut nioqqutissianik akinillu siunnersorlugillu ikiornissaat
- Suliassat takkuttut - nioqqutinut pisortat suleqatigalugit suliassat
Kinaavit?
Takorloorparput:
- Niuernerup silarsuaani misilittagaqartuusutit –non-food-iniussappat iluaqutaassaaq, soorlu elektronikkeerniarfik, pequtaarniarfik, atisaarniarfik imaluunniit atortussaarniarfik
- Nioqqutinut pisiassanullu aalajangersimasunut soqutigisaqartuusutit
- Office-pakkimi sungiusimagit systeminullu nutaanut sungiussimappallassinnaasutit
- Misissuillaqqissuusutit kisitsisinik malitseqartitsinernillu iluarisaqartuusutit
- Akisussaaffimmik tigusisinnaasutit atorfimmilu ineriartornissannut piareersimasutit
Kalaallisut qallunaatullu oqalussinnaaguit iluaqutaassaaq - piumasaqataanngilarli.
Suut neqeroorutigaagut?
- Suliffeqarfimmi ineriartortuartumi atorfik siammasissoq
- Suliffimmi avatangiisigissaarneq pimoorussisunik suleqateqarluni
- Sulianut tunngatillugu inuttullu ineriartornissamut periarfissat pitsaasut
- Piginnaasat aallaavigalugit akissarsiat
Ulloq atorfiniffissat: Piaarnerpaamik piffissarluunnit isumaqatigiissut aallavigalugu.
Soqutiginnippit?
Pileriarpasippa ilinnut? Qinnuteqaatit CV-llu ullumikkut nassiutikkit inuttassarsiuinerup naqqaniittortaatigut.
Oqaloqateqallattaassaagut, inuttassarsiornittalu unitsinnissaannut immitsinnut pisinnaatippugut, piukkunnarnerpaaq naammattoorutsigu.
Atorfik pillugu apeqqutissaqaruit, Pisiortornermi pisortaq Michael Günzel mailerfigiuk: mig@pisiffik.gl imaluunniit tlf. +299 58 16 76 -mut sianerfigalugu.
Pisiffik A/S-i pillugu:
Pisiffik A/S-i tassaavoq 53-inik pisiniarfittalik/immikkoortortalik 800-llu missaannut sulisulik ataasiakkaanik nioqquteqartartuni Kalaallit Nunaanni annerpaat ilaat. Tunisassianik pitsaasunik assigiinngitsorpassuarnik neqerooruteqartarnikkut pitsassuarmillu pisisartunik sullisseriaaseqarnikkut, pisisartutsinnut ataavartumik niuerfigineqartuarnissaaput anguniagaraarput. Nutaaliornikkut, piujuartitsinikkut sumiiffimmilu inuiaqatigiinnut nukittuumik ataqateqarnikkut, pisiniarnermi misigisaq immikkut ittoq anguniagaraarput.
Qinnuteqarnissamut killissarititaasoq: maajip 31.-at, 2025