Inuussutissanik nioqqutissiorneq, aqutsineq ataqatigiissaarinerlu tiguartitsimaffigaagit?
Inuussutissanik tunisassiorneq nassiussuinerlu suliaqarfiginissaannut siuttoorusuppit? Nioqqutissiornermik, ataqatigiissaarinermik suleriutsillu pitsanngorsarnerinik misilittagaqartuuit? Taamaappat imaassinnaasoq tassaasutit Kalaallit Nunaanni iffiorfissami annerpaami Nuummiittumi Tunisassiornermi pisortaq.
Atorfik pillugu
Pisiffik A/S-ip Kalaallit Nunaanni iffiorfinni annerpaaq, iffiukkanik inuussutissanillu pitsaalluinnartunik sinerissamut pisiniarfimmi tuniniagassanik nassiussuisartussaq, ammangajalerpaa. Aqutsisumik nukittuumik, nioqqutissiornermik suliaqarnerup – nioqqutissiornerup, poortuinerup nassiussuinerullu ingerlanneqarluarnissaanik qulakkeersinnaasumik pissarsiorpugut.
Tunisassiornermi pisortaq inuussutissanik nioqqutissiorneq nassiussuinerlu ataatsimut isigalugu akisussaaffigissavat. Bagermesterip Nioqqutissianillu ilisimasallip iffiukkanik inuussutissanillu tunisassiornertaa akisussaaffigissavaat, illit nioqqutissiorneq ataatsimut isigalugu suliarilluarneqarnissaa, ilaatigut pilersaarusiorneq, lagerimik aqutsineq, suleriutsinik pitsanngorsaaneq aamma LEAN-ip qulakkeernissaat isumagissavatit.
Nioqqutissiornermi Pisortap Nuummi Tuniniaanermut Pisortap ataani inissisimassaaq.
Akisussaaffigissavatit
- Inuussutissanik nioqqutissiornerup nassiussuinerullu Ataatsimut isigalugu akisussaaffignissai
- Nioqqutissiornermik ingerlatsinerup ingerlanneqarluarnissaannik qulakkeerinninneq
- Suleriutsit pitsanngornissaanut pilersaarusiornissaannullu Bagermesterip Nioqqutissianillu ilisimasallip avitseqatigisarnissai
- Nioqqutissiornermi, poortuinermi lagerimilu sulisut aqunnissaat
- Nioqqutissiassat pitsaasumik passunneqarnissaannut lagerimik aqutsineq, pileraarusiorneq aamma forecasting
- LEAN-ip atortuulersinnata ingerlalluarnerulernissamullu suleriutsinik pitsanngorsaaneq
- Inuussutissat isumannaalluartuunissaasa inatsisillu malinneqarnissaasa qulakkeernissaat
- Iffiukkat inuusutissallu sinerissamut pitsaanerpaamik nassiunneqartarnissaannut ataqatigiissaarnerisa aqunnissaat
Kina pissarsiarerusupparput?
Aqutsisoq aaqqissuussaasumik inerneqartitsilluarusuttorlu, ingerlatsillaqqillunilu inuussutissanik nioqqutissiornermi suleriutsinik pitsanngorsaasussaq ujartorparput.
Takorloorparput:
- Nioqqutissiornermi pisortatut, site manageritut imaluunniit inuussutissalerinermi iffiornemiluunniit assingusumik suliaqarnermik misilittagaqartuusutit
- Aqutsisutut nukittuujusutit tunisassiornermilu sulisunik aqutsisuunissat misilittagaqarfigigitit
- Misissuillaqqissuusutit lagerimillu aqutsineq, pilersaarusiorneq aamma forecasting pikkorffigigitit
- LEAN-imik suleriutsilluunniit pitsanngorsarnerinik misilittagaqartuusutit
- Aaqqissuussaasumik suleriusaqartutit aammalu periusissiorneq ingerlatsinerlu oqimaaqatigiississinnaagitit
- Isumannaatsumik inuussutissalerineq inatsisillu naleqquttut ilisimasaqarfigigitit
Neqeroorutigaagut
- Kalaallit Nunaanni iffiorfiit annersaanni periarfissaq asseqanngitsoq
- Inuussutissarsiornermi nioqqutissiornermi suleqatigiit ilisimasaqarluartullu suleqatiginissaat
- Akissarsiat unammillersinnaasut sulisutullu iluaqutissat pilerinartut
- Nuummi ineqarsinnaatitaaneq
- Kalaallit Nunaanni niuerfiusumi ulluinnaq soqutiginartoq
Suliffiup inissisimaffia: Nuummiissaatit.
Ulloq atorfiniffissaq: Piaartumik, isumaqatigiissutaasorluunniit malillugu.
Inuussutissanik nioqqutissiornermi suliaqarluarfiusumut akisussaaffimmik tigusinissannut piareersimaavit?
Qinnuteqarneq
Piukkunnarnerpaaq naammattoorutsigut atorfinitsissavarput, taamaammat ataani linki atorlugu sukkanerpaamik qinnuteqaasiorit.
Atorfik pillugu apeqqutissaqaruit Tuniniaanermut Pisortaq Dennis Larsen tlf. +299 59 79 52 imaluunniit email: denl@pisiffik.gl. aqqutigalugit attavigisinnaavat.
Tusarfiginissat qilanaaraarput!
Pisiffik A/S-i pillugu:
Pisiffik A/S-i tassaavoq 53-inik pisiniarfittalik/immikkoortortalik 800-llu missaannut sulisulik ataasiakkaanik nioqquteqartartuni Kalaallit Nunaanni annerpaat ilaat. Tunisassianik pitsaasunik assigiinngitsorpassuarnik neqerooruteqartarnikkut pitsassuarmillu pisisartunik sullisseriaaseqarnikkut, pisisartutsinnut ataavartumik niuerfigineqartuarnissaaput anguniagaraarput. Nutaaliornikkut, piujuartitsinikkut sumiiffimmilu inuiaqatigiinnut nukittuumik ataqateqarnikkut, pisiniarnermi misigisaq immikkut ittoq anguniagaraarput.
Qinnuteqarnissamut killissarititaasoq: maajip 31.-at, 2025