Pitsaassutsimik sulianik nuannarisaqarpit aammalu naatsorsuuserivimmi ineriartortumi ineriartornissat qunuginagu?
Kalaallit Nunaata niunermik suliffeqarfiat annersaat, aningaasaqarnermik aamma naatsorsuuserinermik piginnaanerminik ineriartortitsillunilu ikiuutaarusuttumik, massakkorpiaq, qaffasissutsini assigiinngitsuni, misissueqqissaartartumik (Controller) pissarsiorpoq.
Pisiffik A/S-imi - aamma pitsaassuseq eqqarsaatigalugu, anguniakkatsinnut isumalluarpugut. Pitsaassusilimmik suliaqarnitsinni qitiusumik suliaqartussaavutit aammalu pisinniarfiutitta qarasaasiakkut paasissutissanut tunngavigisaat isumannaatsuunissaannullu tatiginartuunissaannik qulakkeereqataassallutik.
Atorfimmi iluatsinnissannut alapernaatsuunissat aamma suliassanut periarfissarsiortuunissat kiisalu suliffeqarfissuup iluani suliassaqarfiit akimorlugit suleqateqarsinnaanerit piumasaqaataavoq.
Aningaasaqarnermut immikkoortoqarfimmi inissinneqassaatit aammalu naatsorsuuseriviup pisortaata ataani inissisimaffeqassallutik.
Pisiffik A/S-ip Controller-iatut nutaajusutut pingaarnertut makku suliassaraatit:
- Suliffeqarfiup naatsorsuutinik allattuiffiini, ilaatillugu karsinik kisitsinerni, pitsaassutsimik assigiissumik qulakkeerinissaq
- Aningaasaqarnermut konto-nik naligiissaarineq
- Aningaasaqarnermik aqutsinerup aamma naatsorsuuserinermi suliassat iluanni allaffissornikkut suliassat allat
- Suleriaatsinik aamma periaatsinik pitsanngorsaaneq
Suliassat tamakku aningaasaqarnermut immikkoortortaqarfimmi aammalu sinerissami pisiniarfiit suleqatigalugit, suleqatitit peqatigalugit suliarisassavatit.
Inuttut piginnaasat:
- Ataavartumik siunnerfilimmillu suliassavit ukkassisinnaaneq.
- Sullisserusuttuullutillu angusaqarniartuusutit.
- Attaveqaqatiginnillaqqissuullutit aammalu ullut tamakkiallugit pisiniarfiutitsinnik tamanik oqaloqatiginnikkumasuullutit.
- Suleriaatsini misissuilluarumatuujussaatit. D365, Microsoft BI minnerunngitsumillu, Excel atugaraagut.
- Namminersullaqqissuussaatit – tamatumunngalu peqatigitillugu suliffeqarfissuaq akimorlugu suleqateqarluarsinnaallutit.
- Suliassat aqqutigalugit suliamut ilisimasassatigut ineriartorusussuseqassallutit.
Makku piginnaasarissavatit:
Controller-imut nutaajusumut, atorfigisimasaniit assingusuniit misilittagaqaruni imaluunniit tamatumunnga assingusumik, aningaasaqarnerup, illup avataaneersunik naatsorsuuserinerup, kukkunersiuinerup imaluunniit controlling-ip iluanni ilinniagaqaruni iluaqutaassaaq kisianni piumasaqaataanani.
Ilinniagaqarnerit eqqarsaatigalugu tunuliaquttatit imatut pingaaruteqarnerpaajunngillat – pingaarnerpaarli tassaaginnarpoq atorfimmi naammassisaqarluarsinnaanerit.
Marluinnik, kalaallisut aamma qallunaatut, oqaaseqartuuguit iluaqutaassaaq, aammali piumasaqaataanani.
Uagutsinniit makku neqeroorutigaagut:
Pisiffik A/S-miit inuttut aamma suliamut ilisimasanik ukkatarinniffiusoq suliffik eqaatsoq, nuannersoq aammalu unamminiagassalik neqeroorutigaarput. Suleqatigiit nukittuut, anguniakkatsinnik anguniaanermi tapersersoqatigiittut, ilagilissavatit. Atorfinitsitsinermi atugassarititaasut pitsaasut, aamma piginnaasat naapertorlugit allanut unammillersinnaasut akissarsiat, neqeroorutigaagut.
Suliffiup sumiiffia:
Suliffik, Nuup qeqqani qitiusumik allaffeqarfitsinni inissisimaffeqarpoq.
Pisiffik A/S-i pillugu:
Pisiffik A/S-i tassaavoq 53-inik pisiniarfittalik/immikkoortortalik 800-llu missaannut sulisulik ataasiakkaanik nioqquteqartartuni Kalaallit Nunaanni annerpaat ilaat. Tunisassianik pitsaasunik assigiinngitsorpassuarnik neqerooruteqartarnikkut pitsassuarmillu pisisartunik sullisseriaaseqarnikkut, pisisartutsinnut ataavartumik niuerfigineqartuarnissaaput anguniagaraarput. Nutaaliornikkut, piujuartitsinikkut sumiiffimmilu inuiaqatigiinnut nukittuumik ataqateqarnikkut, pisiniarnermi misigisaq immikkut ittoq anguniagaraarput.
Soqutiginnippit?
Suliffik pillugu apeqqutissaqaruit, naatsorsuuserinermut pisortaq Suikkaq Reimer email-ikkut: suik@pisiffik.gl attavigineqarsinnaavoq.
Atorfinitsitsisinnaanermut ingerlaavartumik oqaloqatiginnittarpugut atorfinitsitsissallutalu piukkunnartumik nassaarniariarutta – taamaattumik nangaanak qinnuteqaatit nassiunniariuk.
Qinnuteqarnissamut killissarititaasoq: oktobarip 31.-at, 2024