Pisiffiup nerisassaanngitsunik tuniniaaviini 25-nit amerlanerusuni aqutsisuunissamut ineriartortitsinissamullu piareersimavit?
Pisisartut asseqanngitsumik misigitinnissaannut pisiniarfiutitsinnilu alliartortitsinermi pingaarutilimmik inissisimasussamik, uummaarissumik piumassuseqarluartumillu Nerisassaanngitsunik tuniniaavinni pisortassarsiorpugut,
Atorfik pillugu:
Nerisassaanngitsunik tuniniaavinni Pisiffimmi pisortatut pisiniarfiutitta, pisiortorfiup aammalu suleqatitta danskiusut, soorlu JYSK, Elgiganten, Bestseller allallu qitiusumik attaveqaataassaatit. Ulluinnaat soqutiginartunik unammillernartunik imaqarluassaaq, Nuummilu qullersaqarfitsinniit sulisassallutillu sinerissami pisiniarfiit tikeraartassavatit. Taamaammat atorfimmi angalallattaartarnissat naatsorsuutigissavat.
Akisussaaffivit annerusumik imarissavai:
- Suleqatigiinneq ineriartortitsinerlu: Suliffeqarfiup iluani avataanilu suleqatigisat peqatigalugit pisiniarfiit aaqqissuunnissaat, nioqqutissat, pilerisaarineq allarpassuillu suleqatigiissutigineri.
- Performance management: Kisitsisit pingaarutillit malinnaaviginissaat, soorlu pisisartut naammagisimaarinninnerat, missingersuutit, tunisat, iluanaarutit, aningaasartuutit uninngasuutillu aqunneri.
- Piginnaanernik ineriartortitsineq: Pisiniarfinni suleqaterpassuagut pikkorissut suliffeqarfiup sinnera peqatigalugit takusinnaanissaat, malinnaaviginissaat ineriartortinnissaallu.
Kinaavit?
- Nerisassaanngitsunik tuniniaavigut pillugit ilisimasaqarluartuunerit iluaqutaasinnaavoq, piumasaqaataananili.
- Sulianik naammassinnissinnaanermik pingaartitaqartuuvutit anguniakkavillu angunissaannut akisussaaffimmik tigusisuullutit aammali suleqatitit pimoorussitissinnaallugillu kajumissaarsinnaallugit.
- Paasissutissat pillugit ingerlarsortarputit aammali alapernaatsuullutit, misilittagaqartuullutit ammasuullutillu, piginnaanitillu taakku pisiniarfinnut ataasiakkaanut atorsinnaallugit.
- Kalaallit Nunaanni sulinermik misilittagaqarneq iluaqutaassaaq, pisariaqaranili. Assigiinngiiaassuseq ammasuunerlu naleqartittuuagut.
Suut neqeroorutigaagut?
Pisiffik A/S-imisuliffeqarfik uummaarissoq, nuannersoq unammillernartorlu inuttut sulianullu tunngatillugu ineriartornissamut pingaartitsisoq neqeroorutigisinnaavarput. Suleqatigiinnut nukittuunut, anguniakkaminnik anguniaallutik imminnut tapersersortunut ilaalissaatit. Taakku saniatigut neqeroorutigisinnaavagut:
- Piginnaanitit aallaavigalugit akissarsiat unammillerluarsinnaasut
- Atorfimmi ineqartitaanissamut periarfissaq
- Kalaallit Nunaanni sulinissamut ineriartornissamullu periarfissaq asseqanngitsoq – nunami kusanarluinnartumik pinngortitaqarlunilu kultureqarluartumi
Atorfik pillugu erseqqinnerusumik paasisaqarusukkuit Retailimi Pisortaq Peter Thomsen +299 523673 imaluunniit pet@pisiffik.gl -imut attavigineqarsinnaavoq.
Qinnuteqarnissamut ulloq killigitinneqartoq: 31. oktober 2024. Oqaloqateaqallattaassaagut piukkunnartumillu naammattuuissagaluarutta ingerlaannaq atorfinitsikkumaarlugu – taamaammat qinnuteqarniaruit nangaanak.
Pisiffik A/S pillugu
Pisiffik A/S Kalaallit Nunaanni niuertarfiit annersaannut ilaavoq 53-inik pisiniarfeqarluni/immikkoortortaqarluni 800-t missaannilu amerlatigisunik sulisoqarluni. Pisisartutsinnut niuertarfigissallugu orniginarnerpaanissarput anguniagaraarput nioqqutit pitsaasut siammasissut kiffartuussinerlu pitsaalluinnartoq neqeroorutigalugit. Anguniagaraarput nutaaliornikkut, piujuartitsinikkut sumiiffinnilu attuumassuteqartitsinikkut pisiniarnermi asseqanngilluinnartumik misigititsinissarput.
Qinnuteqarnissamut killissarititaasoq: oktobarip 31.-at, 2024