Pisiniarfimmiu aningaasanut paasissutissanullu pikkoriffilik
Pisiniarfiit silarsuaanni misilittagaqaruit allaffissornerunissamullu piareeqqaguit imaassinnaavoq Pisiffik A/S-imi Business Controlleritaarisinnaagitsigit.
Business Controllererput suliffitsinni allamik atorfittaamat taartissarsiorparput.
Pingaarnertut suliassaraat kontot assigiinngitsut naligiissarnissaat kukkuneqarpallu taakkut nalunaarusiortarnissaat – taamaaliortassaatillu ulluinnarni sinerissami pisiniarfiit qanimut suleqatiginerigut.
Allatut oqaatigalugu kisitsisinut tappiffeqassaatit suleqateqallaqqissuussallutillu. Supporteriulluarsinnaaguit imaassinnaavoq tassaasutit ujagarput.
Pisiniarfiit ikiornerini pingaarnertut suliassaraatit:
- Naatsorsuinerit
- Kisitsisinik pingaarutilinnik misissueqqissaarneq.
- Systeminik periutsinillu ilinniartitsineq ilitsersuussinerlu.
- Nalunaarusiaq atorneri ineriartortinnerilu (ilaatigut Microsoft BI atortarpagut)
Pisiniarfinni piviusup paasisimasaqarluarfiginissaa pingaaruteqarpoq atorfimmi iluatsissagaanni.
Taamaammat suleqatitaassarput takorloorparput:
- pisiniarfimmi/niuertarfiup silarsuaannit misilittagaqartoq.
- nalunaarusiani kukkunersiuerusuttuussasoq.
- sulinermini misissueqqissaartartuusoq.
- naammagittassuseqarluartuusoq attaveqaqateqallaqqissuullunilu.
- ulluinnarni sulinermi kukkunernik amigaataasunillu aaqqiinissaannut tunniussaqarusussuseqartuusoq.
Neqeroorutigaagut:
Pisiffik A/S-imi suliffeqarfiuvugut uummarissoq, nuannersoq unammillernartorlu inuttut sulianullu tunngatillugu ineriartortitsinissamut pingaartitsisoq. Suleqatigiilluartut, anguniakkatta anguniarnerani tapersersueqatigiilluartut akornanniilissaatit. Atorfeqarnermut atugassarititat pitsaasut aammalu piginnaanitit apeqqutaatillugit akissarsiat unammillersinnaalluartut neqeroorutigisinnaavagut
Ineqartitaaneq:
Atorfimmut maleruagassat atuuttut malillugit qularnaveeqqutinik akiliinertalimmik ineqarnermullu akiliisarnertalimmik ineqartitaanissamut neqeroorsinnaavugut.
Suliffik:
Nuuk, pingaarnertut – angalatitaasarnissarli naatsorsuutigineqarsinnaavoq, sivikitsukkuutaartunik nunatta sineriaani pisiniarfiutitsinni suliniutini peqataanissamut pisariaqartitsisoqartussaammat.
Qinnuteqarnissamut killissarititaasoq: 31/10-2024
Pisiffik A/S pillugu
Atorfik pillugu erseqqinnerusumik paasisaqarusukkuit tuniniaarmut pisiniarfinnut pisortaq Peter Thomsen mail-erfigisinnaavat: pet@pisiffik.gl, tlf. + 299 52 36 73.
Pisiffik A/S Kalaallit Nunaanni niuertarfinni annerpaat ilaanniippoq 53-inik pisiniarfeqarluni/immikkoortortaqarluni sulisullu 800-t missaanniillutik. Pisisartutsinnit pisiniarfissatut toqqartassagaatigut anguniagaraarput pitsaasunik nioqqutaateqarnikkut asseqanngitsumillu kiffartuussinikkut. Nutaaliornikkut, piujuartitsinikkut aammalu sumiiffinni atassuteqalersitsisutut misigititsinitsigut pisiniarfilerinermi immikkuullarissumik misigititsinissaput anguniagaraarput.
Qinnuteqarnissamut killissarititaasoq: oktobarip 31.-at, 2024