Uagutsinnut piujuartitsinermut siunnersortinngussavit?
Aamma suliffeqarfimmi, inuiaqatigiinnut akisussaaffimminik ilungersuussisumi, pissanganartumik aamma unamminiarnartumik suliffeqarnissaq pilerigisinnaaviuk?
Piujuartitsinissamik suliassaqarfimmi suliniutit ingerlateqqinnissat kissaatigaarput, taamaattumillu suliffimmut pilersinneqaqqammersumut piujuartitsinermut siunnersortimik pissarsiorluta.
Pisiffik A/S Kalaallit Nunaanni niuertarfeqarfinni annerpaat ilagaat 53-inik pisiniarfeqarluni 800-nillu sulisoqarluni. Pisisartutsinnut nioqqutissanik siammasissunik pitsaalluinnartunillu kiffartuussinerni niuertarfinni orniginarnerpaanissarput anguniagaraarput. Anguniagaraarputtaaq nutaaliornikkut, piujuartitsilluta aammalu innuttaasunut atassuteqarluarluta pisiniarnermi asseqanngitsunik misigititsinissarput. Nutaaliornikkut, piujuartitsinikkut aammalu najukkami inuiaqatitsinnut pitsaasumik attaveqarluarnitsigut, pisiniarfilerinermi pitsaalluinnartumik misigititsinissaq anguniagaraarput.
Kalaallit Nunaanni annikitsukkuutaanik pisiniarfittut suliffeqarfiit annersaasa ilaanni piujuartitsinerulernissaq eqqarsaatigalugu ingerlarsoqataarusuppit?
Taamaappat tulliuttut atuakkit:
Pingaarnertut suliaq
Suliassat pingaarnerpaaq tassaassaaq ESG-mi pitsaassutsit naapertorlugit, qarasaasiakkut paasissutissanik katersinikkut aammalu nalunaarutiginnittarnikkut, suliffeqarfiup piujuartitsinermut periusissiaanik tapersersuinissaq kiisalu Pisiffiup piujuartitsinermut periusissiaata, suliffeqarfiup iluani avataanilu suleqatigisanik qanittumik suleqateqarnikkut sunniuteqarluartumik ingerlanissaanik qulakkeerinissaq. Suliffeqarfiup piujuartitsinermut suliniutaasa piviusunngortinnissaannut aammalu suleriaatsit aqqutissiuunnissaannut naleqqiullugu, immikkoortortaqarfiit allat, piujuartitsinermut suleqatigiissitat aammalu piujuartitsinermut aqutsisooqatigiit suleqatigalugit piujuartitsinermut siunnersortitut akisussaasuuvutit.
Suliassatit
- CSRD naapertorlugu ESG-mik paasissutissanik katersuinissamut aamma atuutilersitsinissamut akisussaasoq
- Piujuartitsinerup iluani suliniutinik pingaarnersiukkanik malinnaaffiginninneq
- Niuffannermi ESG-mi ileqqorilikkanik aamma ineriartornernik alapernaarsuineq nalunaarutiginnittarnerlu
- Piujuartitsinermut KPI-nik aalajangersimasunik malinnaaffiginninneq kiisalu ingerlatitseqqiinermik nalunaarutiginninneq
- Piujuartitsinermut nalunaarusiamut ataqatigiissaarisutut akisussaaneq
- ESG-mik, piujuartitsinermut angusanik, suliniutinik ikiorsiinissamut piujuartitsinermut suleqatigiissitanik aammalu soqutigisaqaqatigiinnik qanimut suleqatiginninneq
- Piujuartitsineq pillugu saaffiginnissutinut akissuteqartarneq
- Piujuartitsinermut aamma nukissiuutinut minguitsunut ikaarsaarnermut attavigisartakkat ataatsimiinnerinut peqataasarneq
- Piujuartitsineq pillugu nalunaarutinik kukkunersiuineq (atuaruk: Mingutsitsinngitsuusaarnermik pinaveersaartitsineq)
- Piujuartitsineq pillugu attaveqaqatigiinnermut periusissiamut ilassusiineq
- Pilerisaarusiortut qanimut suleqatigalugit, Pisiffiup tamanut attaveqaqatigiittarfiini piujuartitsineq pillugu aaqqissuisoqarnikkut imarisanik kukkunersiuineq aammalu ingerlaavartumik ineriartortitsineq
- Suliffeqarfissuup peqateqarnissamik isumaqatigiissusiaanut malinnaaffiginninneq uuttuinerlu
- Siunertamut tunngasut suliassat soorlu sulianut ilinniakkat akimorlugit pilersaarusiat
Ilinniakkatigut piginnaasatit
ESG-mik sakkunik aamma CSRD-mik nalunaaruteqartarnermik imaluunniit – ajornanngippat atorfigisimasanit assingusunit – misilittagaqarneq. Aningaasaqarnerup aamma isumalluutinik aqutsinerup, aningaasaqarnermik paasisimasaqarnerup, avatangiisinut ingeniør-ip, attaveqaqatigiinnerup imaluunniit ilinniakkat assingusut iluanni allamik attuumassutilimmik ilinniagaqarneq. Minnerpaamik piujuartitsinermut ilungersuussisuussaatit suliassaqarfimmilu tamatumani ilikkagaqarusussuseqassallutillu ineriartorusussuseqassallutit.
Illit inuttut
- Misissuiumassuseqassaatit aammalu pitsaassutsinut eqqummaarissuullutit
- Piujuartitsinermut ilungersuussisuussaatit
- Nammineersinnaassuseqassaatit, ujartuisoq pilersitsiumasorlu
- Naammassinninniarumatuujullutillu suliassanik naammassinninnissamut pilersaarusiorumatuujussaatit
- Allattariarsornikkut oqaatsitigullu attaveqaqatigiuminartuussaatit
- Namminiillaqqissuussaatit, ujartuisuullutit, pilersitsiumatuujullutit pitsaassutsinut eqqummaarissuuvutit
- Kalaallisut qallunaatullu oqaaseqartuuneq iluaqutaassaaq, piumasaqaataananili
Neqeroorutigaagut:
Pisiffik A/S-imi inuttut ineriartornissamut periarfissalik suliffik eqaatsoq aamma unamminiagassartalik neqeroorutigaarput. Illit, suleqatigiit nukittuut tapersersuisullu ilagilissavaatsit unammillersinnaasumillu akissarsiaqartinneqarnissat aammalu atorfinitsinneqarnermi atugassarititaasut pitsaasut neqeroorutigisinnaallutigit.
Suliffiup sumiiffia: Nuuk.
Soqutiginnippit?
Oqaloqatigiinnissamut ingerlaavartumik aggersaasassaagut, piukkunnartorlu utaqqerusullutigu.
Atorfimmut sulisumik nassaarutta, sulisussarsiornerput piffissaq sioqqullugu unitsissinnaatipparput.
Taamaattumik qinnuteqaatit aammalu CV-t sapinngisamik piaartumik ataani attavissatut tuugassaq atorlugu, nassiunniariuk.
Atorfinitsitaaneq: Sapinngisamik piaartumik, imaluunniit isumaqatigiissuteqarnikkut.
Atorfik pillugu apeqqutissaqaruit, Pilerisaarinermut-, Attaveqaqatigiinnermut - aamma CSR-imut aqutsisoq Tina Hansen email-ikkut: tih@pisiffik.gl imaluunniit oqarasuaatikkut. +299 29 66 30 attaviginissaanut tikilluaqqusaavutit.
Qinnuteqarnissamut killissarititaasoq: decembarip 31.-at, 2024